أروع الرسائل السودانية

بشاشات السودانية

هذه مجموعة من الرسائل باللهجة السودانية جمعتها لعيونكم إن شاء الله تعجبكم

ملحوظة "في اللهجة السودانية يستخدم حرف الواو كناية عن الهاء المضمومة في آخر الكلمات"مثلا

روحهُ تكتب روحو

نفسهُ =نفسو

و هكذا

…....................................................

حظ موفق:محمود أحمد أبكر

…....................................................

دنيتنا من دونك متاهة تفقد مصدر حلاها و كل ضحكة بدوم وجودك تنطلق في شكل آهة

انا ما برسل رسائل عشان تشوفا و تعرفا انا برسل ليك مشاعر لو قلبك صادفا تعرف أننا جد نعزك عزة ما بتعرف جفا و عزة مستحيل زول يعرفا

قد يمقطع العقد و تتناثر حبيباته لكن يظل اللؤلؤ و تظلون في قلبي دوماًًٌٌُُُ

وتر الحياة معزتك عندي ما ليها نوع و مكانتك ياقلب ماليها حد و غلاوتك في قلبي صارت مزرعة

الحــــــــــب مثل السراب تراه من بعيد و عندما تذهب إليه لا تجــــده

عفوا إذا غبنا عنكم ففي هذه الشمس تستحي اﻷنجم فنحن الظلام و نورنا انتم

أنا الجافيت عيون الناس عشان أسكن رموش عينيك أنا اﻷعلنت حرب الكل عشان أكسب حنان إيديك أنا السافرت دون زاد عشان أصل ضفاف خديك أنا الضائع عميري وراك و راحة حياتي حباً فيك أريتك بس تكون حسيت و تعرف إني ولهاااااان بيـــــــك

القلب له ثلاث زوايا قائمة على حبك منفرجة عند لقائك حادة عند فراقك

لو الفراش يقدر يعيش من غير ورود لو الدموع تقدر تسيل من غير خدود لو الشمس بعد الغروب تحلف تقول انا ما بعود أنا أبقى أسأل ديمة عنك و شوقي ليك بدون حدود

أصلي سارح في عيونك و ناوي أسرح للنهاية و لو قيس صبح مجنون أصلو شال مني البداية القصة ما قصة جنون أصلو الجنون علاجو آية القصة قصة زولاً عشق فيك المحاسن و السجايا

أنت أصلك حتة مني شي بحبه غصب عني لو فكرت أبعد و أسيبك تبقى روحي تروح مني

أنا عيوني بحبهم و بحبك أنت زيهم لكن عيوني خلوني أحبك أنت أكتر منهم

بهدي ليك قلبي شمعة في ليبل الظلام تهديك و ﻷنو أختارك أنت و طاوعتو و دون الخلق أنا بصطفيك قلبي ليك سلك الطريق ما أظنو يضل طريقو ﻷنو عارف أنو ليك

أنسى نفسي ولا أنساك و أعيش بحبك و أتمنى رضاك و يقتلني بعدك و يحيني لقاك

لو أعيش في دنيا غيركم يبقى حكم الدنيا قاسي أصلي من لحظة فراقكم قلبي عايش في مآسي و لما بكرة تهل عيونكم تاني من عمق اﻷماسي برضو يصبح ريدي ليكم شيمة في طبعي اﻷساسي

ناس تنساهمو ناس تهواهم و ناس تريد لقياهم بس و الله أنت أعزهم و أغلاهم

حياتي في خطر محتاج لرسالة من القمر ياترى ح يرسل ولا نشرب من البحر

خليك عرف ياحبيبي كل زول مكتوب ليهو نصيبو يوم بيفرح و يوم بيحزن لو مرة فارق لي حبيبو عشت زي رحال مشافر عمرو ما يضيع طريقو قصدو يرجع تاني للزمن عشان يقابل زول حبيبو

الحياة محطات أعذبها الحب و أجملها اللقاء و أصعبها الفراق و أملها اﻹنتظار و أحزنها الوداع و أحلاها الوفاء

الدنيا من غيرك تزول و البسمة من دونك حزن اللحظة في غيابك تطول الوحشة في بعدك سجن اللهفة لي شوقك حنون و الجلسة بي قربك سكون

صعب أجبر عيوني تنام في ليلة و أنت زعلانة و إذا مرت اﻷيام تجيك روحي ولهانة الزهور خجلانة منك ﻷنك أروع إنسانة

سأكتب "وحشتيني" على حجر و أتمنى أن تسقط على رأسك لكي تعرفي كم هو مؤلم فراقك

العيون مشتاقة تسأل و السؤال كايس عليكم و الدليل تائه يفتش بين مساحات الغياب و لي متين يفضل يفتش ما أنتو فينا و مننا بس طال غيابكم عننا

إفتكرناكم نسيتونا و من ذاكرتكم محيتونا ياناس ياعسل و الله وحشتنونا

أنسى أسمي و أمسحي رقمي لو لقيتي زول بريدك أكتر مني

إذا أراد القلب أن يعشق فلا يعشق غيركم و إذا أرادت العين أن ترى فلا ترى غيركم و إذا أرادت الروح أن تسكن فلا تسكن إلا معكم

أجمل شيء أنك تزرع وردة في بستان و لكن اﻷجمل أن تزرع حبك في قلب إنسان

سلام نسمة فرح تنساب بلا ميعاد سلام لابس وشاح نبراس يضوي الكون لسيد الناس سلام نديان غني و أحساس سلام لكل زول يفتش في جيوب الليل عن اﻷجراس تفوح من طيبتو نسمة عز مع اﻷنفاس

ياحظ المكان بيك و ياحظ من هم حواليك و ياحظ ناس تشوفك و انا بالجد مشتاق ليك

عندما تصبح الكلمات هي عيوننا التي تطل على أحبابنا تنتهي اﻷحرف لتترك الصمت لحناًًًَُُُ يعزف بالكلمات شوقا ً لا ينتهي

دي ﻵخر رسالة أرسلا ليك ﻷني المرة الجاية برسل عيوني من شدة شوقي ليك

الشوق مصيبة و المحبة عجيبة و غير الرسائل ما لقينا طريقة

ياليالي الفرحة طلي و بشري من فراق أحباب عزاز صارو في جواي أغاني و ياسحابة أغشي دارهم كل مرة و في طريقك أنت راجعة بس سؤالي ادي ليهم قولي ليهم عاوز أعرف في قلوبكم وين مكاني

أحيانا ً يتألم المرء حتى يعجز اﻷلم عن إحتوائة و لكن هنالك أصوات رائعة بمجرد سماعها يخف اﻷلم فكيف لو نالت اعين ما نالته اﻷذن؟

قدر توب السماء المفرود بلا أطراف و قدر موج البحر لا يصب ولا ينبع ولا معروفه ليه ضفاف و قدر الليل وكت يبرد و يبقى سكونو لينا عفاف و ده إحساس القلب بالشوق و بالناس البعاد و لطاف

جوهرتي النبيلة أراكي دوما في كل اﻷشياء أسالم صوتك الآتي من بعيد يبوح لي بكلمات رقيقة أسمعها ملئيا ً و أفكر فيها بكل جوارحي حتى اﻷنتشاء

كل زهرة يفوح شذاها بفتكر أنك وراها دنيا لو ما فيها أنت تفقد مصدر حلاها

رسالة شوق ياغالي تعطر سماء دنياك تعطر قلبك الغالي و تقول ليك مستحيل أنساك

عندما أحسب عمري ربما أشتاق شيئا ً من شذاكم و ربما أبكي ﻷني لا أراكم و أنما في العمر يوما ً هو عندي كل حياتي يوم علمت أنني أصبحت "نجما ً" في سماكم

كتبت فيك أجمل كلام غنيت هواك و اﻹرتحال فتشت عنك في رحاب الدنيا في الزمن العذاب و أشتقت ليك سألت عنك في الفؤاد في كل دمعة شوق تسيل لقيت معزتك هي الجنون و الطيبة في نفس المكان

أهديك قلب ودود و عطوف راقي و ولوف حليم عطوف أبيض نظيف جميل و ظريف نقي و شريف و صابر ساعات أرجوك ضع له مكانة في قلبك المعروف

عندي سؤال إذا أشتقت ليك وين أروح و إذا تذكرتك وبكيت مين يمسح دموعي و تعلمت أجيب لعيوني النوم و تعلمت أضحك و أنا مسموم بس ما قدرت أتعلم أصبر و أنا منك محروم

ياقلبي في طبعك ملك سامحت كل البدلك ما عرفو آخرك و أولك و الما بعرفك بجهلك

أنا المحتاج أشوف عينيك عشان إرتاح من حدة الوجعة أنا المحتاج اسمع صوتك عشان أخفف حدة اللوعة و عشان في غيابك أقدر أعيش كفاية على خيال صورتك يصاحب قلبي في الصحيان و في الهجعة

ستبقي ي فمي نغما ً أردده مدى الدهر و في قلبي مناجاة و رمز للهوى اﻷبدي و إذا ما غبت عن عيني فليس تغيب عن فكري أراك لما حولي خيالا ً سابحا ً يسري أراك و أنت لا تدري و لا أدري متى تدري

صمتي لا يعني جهلي بما يدور حولي و لكن ما يدور حولي لا أستطيع التعبير عنه

بنادي عليك في اﻷيام و بفتش ليك في اﻷنسام و باسأل نفسي بس كيف ألقاك حتى لو في اﻷحلام

الروح تهوي مساكم و القلب يهوي رضاكم و العين تعشق رؤياكم و خسران البنساكم

مساء الخير مساء النور مساء اللؤلؤ المنثور مساء مزدان ورد و زهور مساء العافية بدون دكتور مساء فواح عطرو بخور

يادنيا ضيعينا توهينا عاندينا بس أرجوك أنا و الحبيب لا تفرقينا

بدعي ليك من جوة قلبي الدنيا تضحك في عيونك و الزمان القالوا قاسي مرة ما يقدر يخونك و الحزن ينساه دربك و اﻹله يرعاك و يصونك

رغم العلم إتقدم لكن برضو مافي على اﻹطلاق دكتور يفحص وجع الريدة و يدي مسكن للعشاق

إن سبقتني فأنت الكريم إبن الكرام و إن سبقتك فمنك تعلمت اﻹحترام نحن لا نرسل لمن نعيش معهم نرسل لمن يصعب علينا العيش بدونهم

أدسك من عيون الناس و أخلي رموشي ليك حراس و أقول لعيونك النعسانة دايبة نعاس جمال الدنيا لا في اللؤلؤ لا في الماس جمال الدنيا في الحنية و اﻹحساس و في الناس البحبو الناس

بي عيونكم يمكن اﻷيام تمر لكن بدون عيونكم لا في أيام لا عمر

لو كانت الدموع تنفعني كان بكيت بدموع الدم شن فايدة بكاي ياروحي مادام الشي كلو قسم

ما نسيت يوم ثواني أصلوو ريدك أحتواني لو نسيتك حتى لحظة أعرف أنو الموت اطراني

أربعة تسور بها المرأة اﻷدب و العلم و العفة و اﻷمانة

أدمنت حبك و عشقت دربك و خفت بعدك و تمنيت قربك تاترى أستاهل حبك؟

أنت البهجة أنت البسمة أنت الواحة أنت الراحة أنت القمرا أنت الحب أنت النجمة أنت اﻷلفة

ياإبن آدم بع دنياك بآخرتك تربحهما جميعا ً ولا تبيعن آخرتك بدنياك فتخسرهما جميعاً

أهديك ثلاث ورود وردة ترعاك و وردة تهواك و وردة تتمنى رؤياك

بالود مسيتك بالحب خصيتك بالقلب ختيتك و بالروح فديتك و عمري ما نسيتك

الـــحـــــب عذاااب و لمن لم يحــــــب كذاب

أحبك عدد طلات القمر أحبك عدد حبات الرمل أحبك عدد قطرات المطر أحبك عدد ليالي السهر أحبك عدد أوراق الشجر أحبك عدد أيام الدهر أحبك عدد أسماك البحر أحبك عدد أنفاس البشر أحبك عدد شعرات الوبر أحبك عدد غمزات البصر أحبك عدد رمشات البصر

لو رصيدك أنت خالص أو كمان نساينا خالص برضو نسأل ديمة عنك و ما بنعاتبك نحن خالص إلا بس فاقدين سؤالك و شوقنا ليك كاتلنا الص

صدقني نويت زيارتك و أقطع المشوار تحدي إلا بيني و بين مسافتك المراكب ما بتودي و البحر تيارو موج و حارم اﻷشواق تعدي

ياسلام شوقك هزم كل الكلام و طيفك حمى عيوني المنام و صوتك سكن عمق المسام

كل العشاق فايتم أنا بسنتين و بعد ده كلو لا كلمة طيبة لا نظرة عين لا ظل ظليل يجمع بين الطرفين قلب قاسي و قلب حنين و زول جاري ليهو سنين ورا ناس حلوين و ناس قاسين الحب عذاب و الحب سجن أرحمي قلبي اطيبة الوالدين بكلمة حلوة أو رمشة عين أعمل ليك شنو يابهجة السرور أهديك قلبي ولا عيني عشان قلبك لي يلين ؟ كفاية على هجر السنين ياطبيب جرحي وياالماسك الشرايين

أعظم ما في المرأة حديثها و أعظم مافي الرجل إذن تعرف كيف تلتقط هذا الحديث و تمييزه

بي شوقي ليك أنا بعترف و شوقي ليك لا بشيلو جواب ولا ظرف ما شوق فات حد الوصف بنتف عروق الروح نتف أتمنى شوفتك ياعزيز لو حتى شوفتك بالخطف

تمر اﻷيام تحت مسميات عديدة و تظلي أنتي في دواخلي نقشا ً يحتضن كل اﻷحاسيس الخالدة و النبيلة التي لا تزول أبدا

شبهناك بي ضي العين و طعم الموية الباردة و ضل الساعة أتنين و ريحة الجو الماطر لما المطرة تغير رأيا و تجي بعدين

سنين مرت وحات ريدك بقاشي الشوق و أتألم أضاري دموعي من الناس و برضو الناس بتتكلم بفكر فيك كيف نتلاقى و كيف بعد الفارق نتلم بهاجر ليك بذيع الشوق وراك من واحه لي واحه بريدك و ما بريد غيرك و غيرك مافي لي راحة

كل زول في مشوار حياتو فيهو جد وقفات مهمة أنت في كل المراحل تبقى مشواري اﻷهم أحكي ليك عن آيه و آيه ما أنت أصل الحكاية و لو قليبك جد بريدني كمل المشوار معايا

في دواخل قلبي أخفيك و من عسل الحب أسقيك و بحياتي أفديك فهل هذا يكفيك؟

اللهم أنك تعلم أحباب دربي بلغهم مني كل الحب و فرج عنهم كل الكرب و أرح قلوبهم من كل هم و أغفر لهم من كل ذنب و أسكنهم فسيح جناتك

تخيل كيف يكون شعور إنسان تعلق بيك و عارف أنو ما بلقاك و كم مرة حذر روحو من ريدك إلا الروح بدون خاطر تصر تهواك

روعة الحياة وجودك و قيمتها القرب منك و أظلم ما فيها أن أحسك ولا أجدك

أحببتها رغم أنها لم تكن تبصر أهديتها عيناي لكي تبصر و لما أصبرت أحبت غيري

سجلتو روحكم بإمتياز في قمة الناس العزاز ليكم يكون اﻹنحياز مرجع حنون أرض إرتكاز من غيركم اﻷلماس قزاز و من دونكم اﻷلحان نشاذ حقيقة بالجد ما مجاز أنتو اﻷهل أنتو الملاذ

كان شفتي كيفن نحنا من بعدك بقينا عدك اﻷفراح هم و بعدك اﻷيام حزينة شلتي كل الريد فينا حتى ما خليتي لينا اﻷفراح هلل ديارنا ولا أمل وشوش علينا ياما شلنا الليل دموع و ياما في ذكراك بكينا

لو بعدنا ولو قسينا و لو يموت الوصل فينا أنتو أغلى الناس علينا

لكل قطار وصول و لكل دمعة أكيد نزول و لكل وردة ذبول بس معزتك لا تفنى ولا تزول

شبهتك بالقمر قالو الناس ظلمتك خفت اشبهك بالبحر أخاف الناس تغرق في حبك

غيرك أنت منو السمح أنت السماح لابسك وشاح أنت الصباح شافك فرح و أنت الحنان الما هل و أنت الجواب الما وصل أنت اﻷمان وسط اﻷهل أنت الغمام الما هطل أنت الشفاء أنت اﻷمل بوضوح أنت كل شيء

واسفاي أنا العايش بعيد عنك أنا العطشان رواي حنك بعيد عن عينا و جوة قلوبنا داسنك

ذكرتك حين مرت بي رياح من اﻷشواق تخفف من شجوني فأثرت السلام على عزيز من اﻷحباب تفقده العين

يارسائل قولوا ليهم نحن أبدا ً ما نسينا و لا بنفكر لحظة ننسى أغلى الناس علينا أنتو دايما ً في قلوبنا و في عقولنا و في عينينا

لما بكرة البينا يمشي و يبقى ذكرى أبقي أحفظي للمودة و ليها أطري و للمحبة البين قلوبنا أبقي عشرة قولي للأيام أنو نحن أحلى ذكرى

يقال أن نقاط الماء تثقب الصخر ليس ذلك بالقوة إنما بالتواصل

أفتش ليك و مهما الزمن يقسى و يبعدنا من المرسى محال عمري ما بنسى لو أنساك أنسى الدنيا قبل أنساك و أجري على طريق مرساك

الجلوس في حضرتك أمر ضروري و المقيل في رحاب أنفاسك و اﻹلتقاء في دواخلك و اﻹتكاء على أرصفة قلبك شيء مطلوب لكي يغمرني بها حبك

أروع ما قد يكون أن تشعر بالشوق لكن اﻷجمل أن يشعر بك من تشتاق إليه

دكتور القلوب جيب معاك سماعة و أكشف على قول لي بعيش كم ساعة قالو الشوق مرض بقاوم اي مناعة لكن بالرسائل الناس تخفف أوجاعا

مساء الورد من قلب عشق روحك تمناها عشق همسك و مراسيلك بستناها

الضحكة ما بتعني الفرح و الدمعة ما بتعني الضياع مرات بنبكي من الفرح و نبتسم لحظة وداع و يوم نمد أيدينا بكرة و تكتب اﻷيام وداع ما بنقول البينا ضاع ما الشمس في الكون بعيده و تهدي للناس الشعاع

الدمعة لو غلبا النزول حرمانة و تنزل ليك و شوقي لو غلبو الصبر بتحتدى لو يحن ليك لو قلبي إتقطع وراك أثلي ما بتذل ليك

خذ من قلبي كل الحنان يامن أشعر بقربه باﻷمان أحبك في كل زمان دوام بالحلاة موصوف و بالوفاء معروف و مثلك العين عمرها ما شافت ولا ح تشوف ذبت في بحر ذاتك فأين انا منك و أين أنا من حياتك ربما تعجز روحي أن تلقاك و عيناي أن تراك

أنا ما جنيت يوم تابعت قليبي الحائر و قلت أقول ليك إني بحبك أيواا بحبك و يمكن أكتر من اشواقك و برضو تقول لي نعيش الواقع إيه المانع نعيش الواقع و يبقى الواقع هو البنعيشو حب و أمل و لحظة جميلة و ضحكة لذيذة و فرحة أكيدة و لو صدقت إني بريدك يمكن أكتر من أفراحي حبك أنت زلزل روحي و أعماقي و لو حاولت تعيش الحب بنفس المعنى أنا متأكد أنو بننجح نخلي حياتنا أفراح متوالية

وحات الشفق اﻷشرق منك كل حواسي بتسأل عنك حتى الورد الفايح عطرو من أنسامك و بهجة حسنك تبكي عيوني ليك مشتاقة تقول ياريت لو أفضل جمبك

ياسارق وجة القمر و معذب قلوب البشر لو الحكومة شافتك تفرض ضريبة على النظر

ناس نشوفا كل يوم و عيونا تنساهم و ناس بعيدة عن العين و قلوبنا شايفاهم

أنت عارف بيك فرحنا و يكفي أنو هواك معانا و المحبة الفي قلوبنا بنرضى نتعذب عشانا و كل حروفنا الرادتك خليها في قلبك أمانة حتى لو وصلك هجرنا و خطواتك زارت سوانا ما بنلومك في قرارك و برضو ريدك في دمانا

لو صبح مكاني مع النجوم بتذكرك ياأغلى البشر من كل الوجود ما أنت من

الدرر ولو في السحب منفاي منك أطمئنك ح تجيك رسائلي مع المطر

عندما تصبح الكلمات هي عيوننا التي تطل على أحبائنا و أعزائنا تنحني

اﻷحرف و نترك الصمت ليعزف بالكلمات شوقا لا يفتر لا يموت لا ينتهي

لو جفت بحار الشوق و أنعدمت مراسيها برسل ليك سفينة حب و بدمع العين بمشيها

حاجة منك ساكنة فيني تكتسيني و تحتويني و تسعد أيامي حاجة ما معروف مداها تلعب أشواقي و حنيني و تلهم أشعاري و فنوني حاجة ما بقدر أقولا و باينة في حدقات عيوني حاجة أكبر من ظنوني فيها شوق وجنوني

لست معلما ً ﻷعلمك تحبين فاﻷسماك لا تحتاج لمعلم لتتعلم كيف تسبح و العصافير لا تحتاج لمعلم لتتعلم كيف تطير أسبحي وحدك و طيري وحدك فالحب ليس له دفاتر و أعظم عشاق التاريخ كانو لا يعرفون الكتابة

لما تجمعنا الليالي و أبدأ أسرح في ملامحك دون إرادة أقيف عشانك و في الخيال باﻹيد أصافحك أشكي ليك بعد المسافة و بي لهيب الشوق أصارحك ما أنت أصلك حاجة تانية و البريدك كيف يبارحك

عندما تدفعنا أمواج الحياة ترسو بنا على شواطىؤ الذكريات نتذكر قلوبا ً طالما إحتضناها في أعماق قلوبنا و نظن أنهم غابو في ذاكرة الليالي و لكنهم في القلوب خلدوا ﻷنهم بالعطاء و الوفاء صدقوا

لست من ينسى أناسا ً أصبحو هم أغلى من نفسهم علينا لكن ظروف الدنيا تمنعني من تواصلهم و ليس هذا ﻷننا نسيناهم أو طويناهم من ذاكرتنا بل أنتم فيها و أنتم من يهديها إذا ضلت و أنتم منارتها إذا ظلمت و أنتم ونيسها ﻹذا أصبحت وحيدة

أبتعدنا و ما أظن البينا ضاع ماالشمس في الكون بعيدة و تهدي للناس الشعاع

عليك بسأل و السؤال مبداه قافية و القوافي الشايلة وصفك و الله ما ظنيتها كافية كفاية بسأل عليك و في الدواخل ريدة صافية و كل نسمة عليك تعدي لي توصل نغمة دافية الله يعلم كيف بعزك و أصلو ريدك لي عافية

أخاف أنا من بعدك أتألم و أحس أنك ناسيني و أخاف أتكلم صدى صوتك يبكيني

دائما ً اﻷشواق تسافر في هوى الناس الحنان ما مهم بعد المسافة مامهم بعد المكان المهم البينا عامرة زاهية بالشوق و اﻷمان و يبقى حلم اللقيا منية راقدة في حضن الزمان

عيوني أنا منك و ليك عيون تسعد قصاد عينيك عيون عميانة دون شوفتك و همها كلو تسعد بيك عيون مليانة كلها ريدو تشتاق ليك و تتمناك و تسرح في عسل عينيك

من قلب صادقو حنون و عيون مشتاقة لعيون مساءكم عسل ياأغلى ناس في الكون

تتلاشى اللحظات فننظر في دفاتر ما مضى بحثا ً عما كسبناه فنلقاكم و يكفينا عيد سعيد و كل عام و أنتم بخير

جعل الله لبسك السندس و عطرك المسك و شرابك الكوثر و بيتك الجنة

مساء الخير و أنت الخير لكل مساء و أنت النسمة و أنت البسمة أنت ملاذنا بيك نرتاح و أننت الراحة أنت الواحة بلسمنا البيشفي كل جراح بنكتب ليك ﻷنك أنت ذاتك ذاتنا و روحك روحنا أنت البهجة و اﻷفراح

لو هلكني الشوق قصادك ما بقول الشوق جريمةو لما يسأل قلبي عنك يبقى مشتاق ليك ديمة أصلو شوق الخوة صادق و عمرو ما ضاق هزيمة

صباح الخير ياعنب ياتوت ياأغلى من الياقوت ياقمر السودان و أحلى من فاكهة لبنان

أروع القلوب و أحلى الكلام همسك و أجمل مافي الكون إني عرفتك

تحياتي كلام طفلين يلمو الرملا فوق الطين كتاب عنوانو مشتاقين و ضحكة زول عسل زيك لطيف و حنين

ليس الحب أن تبقى مع من تحب و لكن أن تثق أنك في قلب من تحب

منو البنساك و يعيش باقي العمر حسرة مهما طالت اﻷيام أكيد يجمعنا يوم بكره

نعيش و أنت بالود تسقينا و نحزن نظرة منك تنسينا نفرح و البعد منك يبكينا

لم أتذوق طعم الموت لكن تذوقت طعم غيابك فأقتربت من الموت كثيرا

أراكم بقلبي من بلاد بعيدة فهل تروني بالفؤاد على بعدي فؤاد و طرفي ياسفان عليكم عندكم روحي و ذكركم عندي أعيش حتى أراكم

المسافة البينا لو كانت بعيدة تصبح اﻷشواق رسالة شايلة دفء الريد حقيقة

أن قلبك مليان بكل الصفات الجميلة و ما على سوى أن أختار أجمل صفاتك الجميلة

لو خطاك فاتت بعيد و بعدك اﻷيام قست يكفينا من ماضيك شموس رسمت ملامح روعتك

سيتم فحص دمك الرجاء اﻹنتظار عفوا ما عندك دم كلك عسل

دفقت مويتي على الرهاب قاسيت براي هجر الحبيب و مشيت معاك سكة صعاب ماليا في الطيب نصيب

سأكتب رغم أﻵمي و أحزاني سأكتب و إن نزف وجداني نعم سأكتب و على خدي أسطر بدموعي كل آهآتي

أريتو قليبي لو بنشال كنت مرقتو من صدري و أكتب ليك فيه مقال و أبعثو ليك جواب عشان بالعين تشوف الشوق و كيف الحب يعوم في الدم بكب شلال

باقي إيه غير طلتك راجين شنو غير جيتك ما عندنا أحلام بلاك و المنى

لو كانت معزتك كأسا ً لشربته و أنتهي و لكن معزتك بحر فكيف للبحر أن ينتهي

جميل أن يبكي من يعزك و لكن اﻷجمل أن يؤجل البكاء ليبكي فرحا ً بلقاك

ياريت الدنيا عين و انا و أنت رمشين كل ما ترمش نتلاقى نحن اﻷتنين

كان نفسي أقولك من زمان بالكاتمو في سري و مكتم في حشاي مدسوس سنين بالشايلو في معزة و في القلب ريدة و حنان

ساكنة بين الضلوع في روحي جوه سواد عيني انا قلبي ملكك من زمان كل ما تجررحني نبضو حي ما إنتي أقرب ليهو مني إنتي أقرب منو لي ماطالت مسكنك الفؤاد أنا ليه أوريك العلي

الذهب جميل لكنه غالي و القمر برضو جميل لكنه عالي و أنتي ياأحلى ما شاغل بالي في الدنيا بحن بحالي و الحب غالي بحبك طوالي يانور عيونك شاغل عقلي و بالي

ياالغالي في منالك طمنا على أحوالك برسالة من جوالك و الله العظيم إشتقنالك

مستحيل تشرق الشمس و ما أسمع صوتك صوتك زي رقي اﻷنغام و رنة اﻷلحان صوتك زي تغريد عصفور طليق صوت يرد الروح من جديدأصلو ده صوت في الكون ما موجود

يعجبني اﻷلم إذا أخترته بنفسي و تألمني السعادة إذا فرضت علي

كنت لي حلما ً عشقت به الهوى كنت لي أملا ً أغرد في حماه في حنانك ذاب قلبي و أنطوي في لقائك بلغ حبي منتهاه ثم جاء الحزن كصراخ دوي يسأل اﻷقدار عن قلب بكاه كيف أن الحب في القلب إكتوى كيف ضل الحلم في نفسى و تاه

شوقي زايد في بعادي و ديمة في الوجدان أحسو ما بتغيب الذكرى عني حتى لو حباني ينسو ديمة بسأل كيف مقيلو و كيف بمسو

أنا بعشقك عشق الفراشات للزهور وكتين تبوح بعطرها و متين تبوح بي سرها عشق السلاسل للصدور

ليه بتحلف تبقى ظالم و الظلم معروف حرام تجرح القلب البريدك تستبيح أجمل الغرام الله يغفر ليك حبيبي اللسان غلبو الكلام أنت أرحل بي قليبي أترك اﻵهات دوام بعرف الصابرات روابح و ربحي منك بس سلام

و عذاب زولا ُ كان بريدك كان مناهو يكون معاك ما بتغيب من عينو لحظة و لا حصل في يوم نساك

أصعب دمعتين دمعة سجين مظلوم و دمعة حبيب من صدى صوتك محروم

أنا لم أختر أمي و أبي و مع ذلك أحببتهم فكيف يكون حبي للذين أختارهم قلبي ؟

وحاتك أنت لما تغيب نحس بي قلوبنا تائهة وراك و مهما يطول عذابنا معاك بنرجع تاني لي دنياك لا حسينا يوم بندم ولا فكرنا يوم ننساك

أصلي إتعلمت منك أصنع الفرح المشتت فوق متاهات الكآبة و أنسخ خيوط اللقيا في حضرة عيونك كسوة للناس الغلابة منك إتعلمت أفرح و روحي تسمو وتبقى فوق حضن السحابة

أجمل الورد فاعل العجائب يرفع المتاعب و يُهدي ﻷغلى الجبايب

إذا نصب اﻷعزاء جيشا ً من الجفا نصبنا لهم كمينا ً من الوفاء

الصباح لو يبدأ منك يبقى باقي اليوم أمان و النهار لو حن جابك تبدأ إشراقة المكان و ياسلام لو كان تماسي يبقى أسعدنا الزماان

أسمك حروفه برددا صورتك في ضلوعي مفرهدة بسقيها من دمي العزيزو أغني بيها و أمجدا

ياسلام لو شفت حالي يوم تجيني رسالة منك أنسى ظلم الدنيا كلو و بي حروفك أحكي عنك أحكي عن طيبة قليبك عن غلاوتك و برضو حنك يافرح جوانا ساكن وين نلاقي أحن منك

نفسي دائما ً أختم يومي بيك و تبقى آخر كلمة منك و آخر كلمة ليك و أنهي آخر كل يوم بي دعواتي ليك حتى في آخر حياتي تبقى شهادتي منك و نظرة وداع الدنيا فيك

كتبتك قول و زدتك فوق كلامي وصف رسمتك جوه في اﻷعماق كتبتك جوه قلبي ولف و لما أقول بعزل جد أكون يادوب كتبت حرف

اﻷيام أخترات تبعد و نحن مشينا مع اﻷيام و كنا نخاف من سيرة الفرقة لو قالو نشوفا حرام غايتو ظروف الريد ساقتنا و أصلو الريد للناس أحكام لا عارفين الباقي ورانا ولا الراجينا قدام

أًٌُيها المشتاق مهلا ًُ قد ملكت عمري و إشتياقي و دموعي و إبتسامتي و صبري أولم تنظرحنين تآها يشكو بعيني أولم تسمع ناطقا ً يبكي بصدري ياحبيبي لك روحي لك قلبي لك عمري و كفانا اليوم بعدا ياحبيبي فاض صبري

بيني و بيك شوق خرافي و عشق ساكن في الدواخل و الحنين الشايلو ليك حاشا ما يطولو العوازل كل يوم بيزيد و يكبر زي سحاب القبلي شايل و لما يمطر في ربوعك ياما تفقز السنابل و تفرح اﻷزهار تغني برضو تزداد اﻷصايل

كتر الشوق علمني ما أستغني عن صوتك و لو ما بتكلمني أرسل عشان نسمع سكوتك

كنت بحلم بي لقاك في غيمة الليل و الظلام نتاسمر اﻷتنين سوا و بحكي للقمر الكلام و تزين الليل بي وشاح الريد و الحب و الغرام

أعبر كيف و كيف أجمع حواسي الشاردة عشان أكتب كلام عنك و كيف أتملو ناس أتنين عقلي و عواطفي في ظنك

خايف عيوني منا تستناك و ياجميل الروح أصبر طول العمر مجروح بين آمالي واقف سور فيه الحيرة و فيه الغيرة و فيه الخوف من اﻷقدار

كيف أقول إني بحبك إن نطقتها أحرجتك و إن كتبتها إحتاج ردك

أنا ما زعلان لو برضيك عذابي زيدو و أتفش بالنسيان مرة باﻹنتظار و مرة بالحرمان و لو يعجبك الهجران تذكر قلبي مليان حب و حنان

وحات كل الكلام الفات وحات البينا من كلمات وحات الضحكة و اﻵهات و حات البسمة و الدمعات وحات دقات قليب هيمان بنادي عليك في الظلمات بحبك أنت ياروحي أنت بس بالذات

و يحملني الحنين إليك طفلا ً و قد سلب الزمان الصبر مني و القي فوق صدرك أمنياتي و قد شقى الفؤاد مع التمني غرست الدرب أزهارا ً بعمري فخيبت السنين اليوم ظني

بشكي ليكم يامظاليم الهوى أصلي مكتول مرتين مرة بعد المسافة و مرة من الشوق و الحنين

لو كانت القنوات تذيع أخبار الشوق لكان خبر شوقي خبر عاجل كل دقيقة

رسلت ليك الكتير عبر الرسائل و ما وصل كتبت ليك أجمل حروف منسوجة من أر وع جمل لمن يصل مكتوبي ليك و حروفو تصبح بين إيديك يمكن تقدر شوقي ليك و كم مشتهيك و أتمنى لو هسع أجيك

أصلو الريد إحساس و مشاعر لا هو موبايل ولا هو شريحة إتمنيتك زولة صريحة أحلم بيكي و ألقى الفرحة أصلك سمحة كلك زينة فيك جمال يتحدى القمحة و أنا متأكد كل العالم لولاك أحلامو بتصفى

كلمة مشتاق و الله قليلة و كلمة أحبك و الله حقيقة و كلمة أسيبك و جد مستحيلة

تعرف إننا جد نعزك عزة ما بتعرف جفا و عزة ما بتكمل وحاتك و مستحيل يوم أنساك

لسه قادر تاني أثبر مهما مني بعد سرابك و لسه قادر قلبي ينزف كلما طعنت حرابك

عندما تصحو النجوم من أحلامها تتناجى ما تبقى من ضوء القمرا و أتذكركمو يعرق جسمي ثم يجف شوقا ص عليكم

جيتك مع الذكرى و مع الذكرى حنين و في الحنين حب و في الحب حياة و في الحياة فراق و في الفراق دموع و في الدموع أمل و في اﻷمل لقاء و في اللقاء فرح و في الفرح قلب و في القلب أنت ياغالي

لما أطراك في الليالي و أبدأ أسرح في ملامحك دون إرادة أقيف عشانك و أشكي ليك بعد المسافة و بي لهيب الشوق أصارحك ما أنت أصلك حاجة تانيةو البعزك كيف يبارحك

أنا إعتزلت الريجة بعدك و في الغرام حصلت حدي و إحتملات عودتي ليك في العقل تب ماها ورادي الغرام حرمان على من زمان طاراه عهدي كيفن ألدغ مرة تاني و كان قبل ده أنا ضغت براي

لك كل لحظات العمر ﻷنني عمري ما كنت بعيد عنك حتى لو طالت الحدود الجغرافية و المسافات

معاك يبقى الكلام أجمل يسير فرح الزمن جواي معاك بتنسم اﻷحساس بتنفس قوافي غناي معاك بنسى الحزن و الهم تتزاحم معاني صفاي ء تغيب شمس العذاب عني و تشرق بسمتك جواي

تمضي بنا الحياة لطريق لا نعرف مداه و لكن يبقى مفتاح سعادتنا تواصلكم

هواك ناديتو شان يلحق سماي يكفكف دمع ة الباكين و يقسم للغلابة غناي هواك يدي العمر معنى و بلاك ياغالي شن معناي

الحياة ثلاثة ذكرى و ألم و حب عش باﻷولى و تحمل التانية من أجل التالتة

ما تفتكري من غير حبك ما بعيش و ما تفتكري أجيك و أقول معليش و ما تفتكري أنو غيرك مافيش و عبر بشاشات بقول ليك يعني إيش؟

إن الحياة بها عظماء جمعنا القدر بهم و نسعد بلقاءهم و نحزن بفراقهم

لو فتشت جواي تلقى الشوق ينادي و يقول متين نتلم و يموت الهم و ترجع لينا ضحكتنا و أماسي جميلة جمعتنا ح تعود من تاني شلتنا و مهما الدنيا بعدتنا محال نتناسى خوتنا

رسالة شوق لناس حلوين فراقهم يوم يساوي سنين و رب الكعبة مشتاقين

صباح الخير و صباح البسمة الهادية و الكلمة الشافية و صباح العافية ﻷهل القلوب الصافية

خلي لي بالك على عليك أصلو ما تشفق علي في غيابك بوفي ليك إطمئن يانور عيني مهما قالو الناس علي

قلنا نسأل عن عسلنا ما الحنين كمل صبرنا كل ما نشقى و نعاني و نعاني برضو راضين بي قدرنا ما أنت شريان في دمانا أنت روحنا و كل منانا أفتكر ما تبقى ناسي خٌش علينا لو برنة رنتك تفرح قلوبنا و تبقي كل الدنيا جنة

أنا آخر العشاق في زمن التلوث و آخر الكلمات في زمن الغباء إن طبيعتي تأبى التصنع و الرياء أنا هكذا أمشي على قدمين من نار و ماء

الحب ياعزيزتي ليس كلمة من حرفين إنما إحساس أو قداسة تربط جانين فيتولد بينهما أجمل غريزة و أجمل إحساس للشعق و بغلاك لو عيني ما تراك قلبي و إحساسي معاك

بنتواصل عشان فرح العمر لحمة نتراسل عشان نرسم من اﻷشواق دروب فرحة

الظروف مرات بتقسى تمنع الناس التواصل تكتم إحساس المحنة تفرض للناس البعاد و تحبس اﻷشواق دفينة و تترك للناس التجافي

كم أهواك بلهجة الحسن الرفيع أهواك و نار الهوى برد و صقيع فيك جمال الدنيا كلو و براءة الطفل الرضيع و الدلال حاضن شبابك و العمر زاهر ربيع

عيون مساهرة في صمت الظلام و ترى في المنام أحلام عيون قالت أحلى كلام عيون مشتاقة لشوفتك تذرف بحور الدم عيون من شدة الحنية دابت في الهم و عيون مسخانة ليها الدنيا في حياتا عدم عيون باكية في بعادك بتتألم

ممكن الزول ينسى همو و ينسى الورد بعد شمو لكن مستحيل ينسى زول زرعو في دمو

لو ضليت طريق درب قلبك و ضاع في السكة إحساسي و إنداح الهوى الجواي و كان درب الوصال قاسي تأكد إني ميت فيك و إنك آخر أنفاسي

إذا كان اﻷمس ضاع فبين يديك اليوم و إذا كان اليوم يجمع أوراقه ليرحل فلديك يوم الغد لا تحزن على اﻷمس فهو لن يعود ولا تأسف على اليوم فهو راحل و أحلم بشمس مضيئة في غد جميل

كلما سقطتت اﻷوراق عن اﻷشجار في الخريف نراها بشعة و لكننا نستدرك جمالها الحزين هكذا هي النفس عندما تتعرى من اﻷقنعة نراها قبيحة و لكن سرعان ما ندرك جمالها الحقيقي

أنتو أحلامنا البعيدة أنتو أحلى بيوت قصيدة و أنتو لي دنيتنا عيدا

ياسلام لو اي زول يوم تضيق بيهو الدنيا يقدر يلقى وسط همومو زول حنين يسأل عليهو زول تفتش ليهو روحك و لما تحتار تمشي ليهو و لما تمرق من دواخلك أو تضيع منك مداخلك تبقى مارق شان تجبيهو

أحفظ قواعد السعادة السبعة لا تكره أحد مهما أخطأ في حقك

ولا لا تقلق أبدا ً و كن كثير الدعاء

عش في بساطة مهما علا شأنك

توقع خيرا ً مهما كثر البلاء

أعطي كثير حتى ولو حرمت

إبتسم ولو القلب يقطر دما

لا تقطع دعاءك ﻷخيك على ظهر الغيب فإن دعاءك ﻷخوانك مٌستجاب

لون الشمس وقت اﻷصيل محتار معاك كايس الدليل

…...........................................................................

مع خالص شكري و تقدري :محمود أحمد أبكر …..........................................................................